10. Aleksis Sanches – 38.3 million funt, "Barselona"dan
Sanchesning kelishi "Arsenal"ning eng omadli transferlaridan biri sanaladi. Hujumchi "Emirates" stadionda fantastik daraja namoyish etgan edi. 2016-17 yilgi mavsumda chililik futbolchi 24 ta gol va 10 ta assistga mualliflik qiladi. Afsuski, Sanches oradan ko‘p o‘tmay, "MYU"ga berib yuboriladi va bu rahbariyat tomonidan yo‘l qo‘yilgan eng katta xatolardan biri edi.
9. Granit Jaka – 40.5 million funt, "Myunxengladbax"dan
Jaka jamoadagi so‘nggi mavsumida ajoyib harakat qildi. Uning Tomas Parti bilan yarim himoyadagi harakatlari tahsinga sazovardir. Tartib-intizom borasida doimo muammolarga duch kelgan futbolchi, vanihoyat ketishidan oldin "Arsenal" safida haqiqiy lider qanday bo‘lishi kerakligini ko‘rsata oldi.
8. Mesut O‘zil – 42.3 million funt, "Real"dan
Mesut O‘zil dunyo futbolining daholaridan biridir. Pleymeyker, maydonda osonlik bilan xavfli vaziyatlar yarata olardi. Afsuski, uning paslarini yetarlicha golga aylantira oladigan futbolchilar doim ham topilavermagan. Garchand jamoadan ketish unchalik ham yoqimli bo‘lmagan bo‘lsada, O‘zil doimo London jamoasida hurmat bilan eslanadi.
7. Tomas Parti – 45 million funt, "Atletiko"dan
Partining APLdagi dastlabki ikki yili jarohatlar sabab murakkab kechdi. Biroq, uchinchisida hammasi o‘zgardi. Parti o‘tgan mavsumda Jaka bilan "Arsenal" yarim himoyachi uchun o‘ta kerak figuraga aylandi. Uning harakatlari Kazemiroga qiyoslana boshlandi.
6. Gabriel Jezus – 45 million funt, "Manchester Siti"dan
"Arsenal"ga Obameyang va Lyakazett juftligidan keyingi davrda markaziy hujumchi o‘ta zarur edi. Klub 2022 yilning yanvarida Dushan Vlaxovich uchun kurashib ko‘radi. Ammo bu poygada "Yuventus" g‘olib chiqqan edi. Shu sabab yozda Gabriel Jezus sotib olinadi. O‘tgan mavsum davomida braziliyalik fantastik o‘yin ko‘rsatib, jamoa bog‘lamlarida faolligi bilan ajralib turdi.
5. Aleksander Lyakazett – 47.7 million funt, "Lion"dan
Lyakazett Londondagi besh yilni yomon o‘tkazmadi. Ammo "Arsenal"ga kerak bo‘lgan narsa unda yo‘q edi. Ha, hujumchi ketma-ket mavsumlar davomida 10 tadan kam gol urmadi. Afsuski, bu yetarli emasdi. Lyakazett to‘pchilarni YECHLga qaytara olmadi. U "Lion"ga erkin agent sifatida bir yil oldin qaytib ketgan edi. Fransiyalik "Arsenal" uchun 206 ta o‘yinda 71 ta golga mualliflik qildi.
4. Ben Uayt – 50 million funt, "Brayton"dan
Uayt yaxshi futbolchi. Buni hamma biladi. Ammo 2021 yilda u uchun to‘langan 50 million, ko‘pchilik nazarida haddan oshiq ko‘p edi. O‘tgan mavsum himoyachi uchun ham yaxshi o‘tdi. U Mikel Arteta jamoasida markaziy mudofaadan qanotga ko‘chib o‘tgan edi.
3. Pyer-Emerik Obameyang – 57.4 million funt, "Borussiya Dortmund"dan
Gabon terma jamoasi a’zosi dastlabki ikki mavsumda "Arsenal" uchun katta ish bajaradi. Hammasi 2020 yilning yozida, Obameyang yangi shartnomaga qo‘l qo‘yganidan keyin boshlandi. Hujumchining tartib-intizomga amal qilishi qiyinlashdi. Oqibatda, u Mikel Arteta bilan janjallashib qoldi. 2022 yilning yanvarida 34 yoshli futbolchi "Barselona"ga yo‘l olgan edi.
2. Kay Xavers – 65 million funt, "Chelsi"dan
Bundesligada yulduzga aylangan futbolchi, "Chelsi"dagi uch mavsumni yaxshi o‘tkazmadi. Xavers u yerda o‘ziga noqulay bo‘lgan o‘rinlarda foydalanilgan edi. "Arsenal" Germaniya terma jamoasi a’zosini yaqindagina, 65 millionga xarid qildi. Arteta u bilan ko‘p narsaga erisha olishiga ishonadi.
1. Nikolya Pepe – 72 million funt, "Lill"dan
72 million evaziga APLni yondiradigan futbolchi kutilgandi. Ammo Pepe bunday bo‘lib chiqmadi. Hujumchi ilk mavsumida 5 ta gol urishga erishadi. Ikkinchisida esa bu ko‘rsatkich 10 taga o‘zgardi. Uchinchisi butunlay rasvo bo‘ladi. Pepe 2021-22 yilgi davr mobaynida faqat bitta golga mualliflik qildi. U o‘tgan mavsumni "Nissa"da, ijara asosida o‘tkazdi. Ayni damda "Arsenal" unga xaridor qidirmoqda.
ISMATOV J.