"Barselona" futbolchisi Niko Gonsales faoliyatini Portugaliyada davom ettirishi mumkin.
"Portu"ning qiziqishini futbolchining otasi ham tasdiqladi, deya xabar beradi jurnalist Xosep Kapdevila.
Bundan tashqari, Nikoga da’vogarlar ro‘yxatida Angliya va Ispaniya chempionati vakillari ham bor. 21 yoshli yarim himoyachi yaqin kunlarda bir qarorga kelish niyatida.
Niko Gonsales o‘tgan mavsumda "Valensiya"da ijara asosida o‘ynab, 26 o‘yinda 1 ta gol va 1 ta golli uzatmaga mualliflik qilgan.
Ispaniyalik futbolchining "Barselona" bilan shartnomasi 2026 yilgacha mo‘ljallangan va uning narxi Transfermarkt ma’lumotlariga ko‘ra 10 million yevroga teng.