"Manchester Yunayted" "Galatasaroy"ning yarim himoyachi Fred borasidagi taklifini rad etdi.
30 yoshli braziliyalik "qizil iblislar" joriy transfer oynasida xayrlashishga tayyor bo‘lgan futbolchilardan biridir.
Biroq, insayder Fabrisio Romanoning so‘zlariga ko‘ra, "Yunayted" yarim himoyachini "Galatasaroy"ga sotishdan bosh tortgan, chunki ular turk klubining taklifini yetarlicha jozibador emas deb hisoblashgan.
Fredga "Fulxem" ham qiziqish bildirmoqda. Bundan tashqari, Premyer-liganing boshqa vakillari va Saudiya Arabistoni klublari ham vaziyatni kuzatib borishmoqda.
Futbolchining "Manchester Yunayted" bilan amaldagi shartnomasi kelasi yili yakuniga yetadi. Transfermarkt portali uning qiymatini 20 million yevroga baholagan.