"Манчестер Юнайтед" "Галатасарой"нинг ярим ҳимоячи Фред борасидаги таклифини рад этди.
30 ёшли бразилиялик "қизил иблислар" жорий трансфер ойнасида хайрлашишга тайёр бўлган футболчилардан биридир.
Бироқ, инсайдер Фабрицио Романонинг сўзларига кўра, "Юнайтед" ярим ҳимоячини "Галатасарой"га сотишдан бош тортган, чунки улар турк клубининг таклифини етарлича жозибадор эмас деб ҳисоблашган.
Фредга "Фулхэм" ҳам қизиқиш билдирмоқда. Бундан ташқари, Премьер-лиганинг бошқа вакиллари ва Саудия Арабистони клублари ҳам вазиятни кузатиб боришмоқда.
Футболчининг "Манчестер Юнайтед" билан амалдаги шартномаси келаси йили якунига етади. Transfermarkt портали унинг қийматини 20 миллион еврога баҳолаган.
