Hujumkor yarim himoyachi Daichi Kamada "Atletiko Madrid"ning nishoniga tushdi.
Yapon iyul oyi boshidan, Frankfurtning “Ayntraxt” klubi bilan shartnomasi tugaganidan beri erkin agent maqomiga ega.
26 yoshli futbolchi anchadan beri "Milan"ga o‘tishga yaqin edi, ammo kelishuv boshi berk ko‘chaga kirib qoldi.
Jurnalist Daniyele Longoning so‘zlariga ko‘ra, endi "Atletiko" o‘z e’tiborini Kamadaga qaratdi, ular allaqachon shartnoma imzolash ustida ish boshlagan.
Manbaga ko‘ra, Bundesliga yulduzini "matraschilar" shu yozda sotilishi yoki ijaraga qo‘yib yuborilishi mumkin bo‘lgan Joau Feliksning o‘rniga o‘rinbosar sifatida ko‘rmoqda.
