"Yuventus" hujumchisi Dushan Vlaxovich faoliyatini "Tottenxem"da davom ettirishi mumkin.
Footmercato nashrining xabar berishicha, agar Xarri Keyn "Bavariya"ga transfer qilinsa, londonliklar 23 yoshli serb uchun kurashadi.
Vlaxovich o‘tgan yilning yanvaridan beri "Yuventus"da to‘p tepmoqda. O‘tgan mavsumda u turinliklar safida barcha turnirlar doirasida 42ta o‘yinda maydonga tushib, 14ta gol urgan va 4ta golga assistentlik qilgan. Transfermarkt portali uning narxini 70 million yevroga baholamoqda.