"Napoli" yarim himoyachisi Piotr Zelinski o‘z klubida qolmoqchi.
29 yoshli futbolchi Saudiya Arabistonidan foydali taklif oldi va "Napoli" kelasi yili shartnomasi tugaydigan polshalikni sotishga tayyor edi. TMW xabariga ko‘ra, Zelinski transferga rozilik bermagan - buning o‘rniga u neapolliklar bilan yangi shartnoma imzolashga qaror qilgan. Muzokaralar yaqin kunlarga rejalashtirilgan.
Yarim himoyachida faoliyatini davom ettirish uchun yana bir variant bor – “Lasio”. Rimliklar boshqaruvchisi Maurisio Sarri Zelinskini asosiy transfer maqsadi sifatida ko‘rsatdi, biroq klublar hali kelishuv shartlari bo‘yicha kelishmagan: "Lasio" 20 million yevro to‘lashga tayyor, "Napoli" esa kamida 25 million ishlab olmoqchi.
