Turinning “Yuventus” klubiga tegishli 24 yoshli italiyalik himoyachi Luka Pellegrini faoliyatini Rimning “Lasio” klubida davom ettirishi mumkin. Bu haqda insayder Nikolo Skira ijtimoiy tarmoqlar orqali ma’lum qildi.
Manbaga ko‘ra, poytaxt klubi rahbariyati futbolchini sakkiz million yevroga sotib olish imkoniyati bilan keyingi mavsum uchun ijaraga olmoqchi.
O‘tgan mavsumda Luka "Ayntraxt" va "Lasio"da ijara asosida o‘ynadi. Himoyachi 22 ta uchrashuvda qatnashib, 6 ta sariq kartochka oldi.
Pellegrinining "keksa sinyora" bilan shartnomasi 2025 yilning o‘rtalariga qadar tuzilgan. Transfermarkt uning narxini 7 million yevroga baholamoqda.
