Туриннинг “Ювентус” клубига тегишли 24 ёшли италиялик ҳимоячи Лука Пеллегрини фаолиятини Римнинг “Лацио” клубида давом эттириши мумкин. Бу ҳақда инсайдер Николо Скира ижтимоий тармоқлар орқали маълум қилди.

Манбага кўра, пойтахт клуби раҳбарияти футболчини саккиз миллион еврога сотиб олиш имконияти билан кейинги мавсум учун ижарага олмоқчи.

Ўтган мавсумда Лука "Айнтрахт" ва "Лацио"да ижара асосида ўйнади. Ҳимоячи 22 та учрашувда қатнашиб, 6 та сариқ карточка олди.

Пеллегринининг "кекса синёра" билан шартномаси 2025 йилнинг ўрталарига қадар тузилган. Transfermarkt унинг нархини 7 миллион еврога баҳоламоқда.