"Yuventus" hujumchisi Dushan Vlaxovichning agenti Darko Ristich "PSJ" rahbariyati bilan ehtimoliy transfer borasida muzokara olib bordi.

Eslatib o‘tamiz, serb ushbu transfer oynasida jamoasini tark etishi mumkin.

Jurnalist Nikolo Skiraning so‘zlariga ko‘ra, Vlaxovichning agenti “PSJ” bilan aloqada bo‘lgan. Parijliklar serbiyalik futbolchiga yiliga 10 million yevro maosh bilan 2028 yilgacha shartnoma taklif qildi. “Yuventus” hozircha Vlaxovichni 80 million yevroga sotishini ta’kidlab kelgan.

Vlaxovich A Seriyada o‘tgan mavsumda "Yuventus" uchun o‘nta gol urdi. Avvalroq futbolchi “Fiorentina” sharafini ham himoya qilgan va u yerda Turindagidan ko‘ra ajoyib o‘yin ko‘rsatgan.