"Ювентус" ҳужумчиси Душан Влаховичнинг агенти Дарко Ристич "ПСЖ" раҳбарияти билан эҳтимолий трансфер борасида музокара олиб борди.
Эслатиб ўтамиз, серб ушбу трансфер ойнасида жамоасини тарк этиши мумкин.
Журналист Николо Скиранинг сўзларига кўра, Влаховичнинг агенти “ПСЖ” билан алоқада бўлган. Парижликлар сербиялик футболчига йилига 10 миллион евро маош билан 2028 йилгача шартнома таклиф қилди. “Ювентус” ҳозирча Влаховични 80 миллион еврога сотишини таъкидлаб келган.
Влахович А Серияда ўтган мавсумда "Ювентус" учун ўнта гол урди. Аввалроқ футболчи “Фиорентина” шарафини ҳам ҳимоя қилган ва у ерда Туриндагидан кўра ажойиб ўйин кўрсатган.