"Venesiya" sport direktori lavozimini egallab turgan Davide Brendolin yarim himoyachi Denis Cherishevning ahvoli haqida gapirdi.
Avvalroq, mish-mishlar 32 yoshli rossiyalik futbolchini Ispaniyaning "Levante" klubi bilan bog‘lagan edi.
"Bizda Denis Cherishev uchun "Levante"dan ham, Rossiya jamoalaridan ham taklif yo‘q. Hozircha bu haqda hech qanday so‘rovlar bo‘lmagan”, — dedi Brendolin.
"Venesiya"da B seriyada Cherishev 24 ta o‘yin o‘tkazib, to‘rtta gol urdi va sheriklariga ikkita samarali uzatma berdi.
Oldinroq Italiya klubi Cherishevning maoshi yuqori bo‘lgani uchun uni sotishi mumkinligini aytgandi.
Eslatib o‘tamiz, Denis avvalroq "Real" hamda "Valensiya" tarkibida ham to‘p tepgan.