"Венеция" спорт директори лавозимини эгаллаб турган Давиде Брендолин ярим ҳимоячи Денис Черишевнинг аҳволи ҳақида гапирди.
Аввалроқ, миш-мишлар 32 ёшли россиялик футболчини Испаниянинг "Леванте" клуби билан боғлаган эди.
"Бизда Денис Черишев учун "Леванте"дан ҳам, Россия жамоаларидан ҳам таклиф йўқ. Ҳозирча бу ҳақда ҳеч қандай сўровлар бўлмаган”, — деди Брендолин.
"Венеция"да Б серияда Черишев 24 та ўйин ўтказиб, тўртта гол урди ва шерикларига иккита самарали узатма берди.
Олдинроқ Италия клуби Черишевнинг маоши юқори бўлгани учун уни сотиши мумкинлигини айтганди.
Эслатиб ўтамиз, Денис аввалроқ "Реал" ҳамда "Валенсия" таркибида ҳам тўп тепган.
