Bu yozda Saudiya Pro-ligasi o‘zining transfer olamini portlatishi bilan butun dunyodagi muxlislar e’tiborini tortdi. Bugun Yaqin Sharqda yangi mavsum taqvimi ma’lum bo‘ldi va siz qaysi o‘yinlarni qachon ko‘rishga arziydiganligini aniqlab olishingiz mumkin.

2023/24 yilgi mavsum 2023 yilning 11 avgustida elitaga qaytgan “Al-Ahli” bilan “Al-Xazem”ga qarshi bahsda boshlanadi. Tarixga nazar tashlaydigan bo‘lsak, "Al-Ahli" mamlakatning to‘rtta eng yaxshi jamoasidan biri, ammo o‘tgan mavsumni sensasion tarzda ikkinchi divizionda o‘tkazdi. Yozda klub “Chelsi”dan Eduar Mendi va “Liverpul”dan Roberto Firminoni xarid qildi.

"Real"ning sobiq hujumchisi Karim Benzema va "Chelsi"dan Ngolo Kanteni olib kelgan amaldagi mamlakat chempioni "Al-Ittihod" "Ar-Rayed"ga qarshi o‘yin bilan chempionatni boshlaydi.

“An-Nasr” safarda Stiven Jerrard boshqaruvidagi “Al-Attifak”ni sinovdan o‘tkazadi. Ronaldu jamoasi transfer taqiqi xavfi ostida, biroq ular allaqachon Marselo Brozovich va yangi murabbiyni olib kelishga muvaffaq bo‘lishdi.

Bir vaqtning o‘zida uchta yulduzni olib kelgan “Al-Hilol” klubi – Kalidu Kulibali (“Chelsi”), Ruben Neves (“Vulverxempton”) va Sergey Milinkovich-Savich (“Lasio”) kamtarona “Abha”ga qarshi mehmondagi o‘yin bilan start oladi.

Agar siz hali Saudiya futboliga kirmagan bo‘lsangiz, tomosha qilishingiz kerak bo‘lgan boshqa muhim o‘yinlar. Sanalar taxminiy.

Jidda Derbisi: "Al-Ahli" va "Al-Ittihod" 5-7 oktyabr va 11-13 aprel.

Saudiya "El-Klasikosi": "Al-Hilol" va "Al-Ittihod". 1 sentyabr va 7-9 aprel.

Ronaldu va Benzema jangi: "An-Nasr" va "Al-Ittihod". 14-16 dekabr va 27 may.