Бу ёзда Саудия Про-лигаси ўзининг трансфер оламини портлатиши билан бутун дунёдаги мухлислар эътиборини тортди. Бугун Яқин Шарқда янги мавсум тақвими маълум бўлди ва сиз қайси ўйинларни қачон кўришга арзийдиганлигини аниқлаб олишингиз мумкин.
2023/24 йилги мавсум 2023 йилнинг 11 августида элитага қайтган “Ал-Аҳли” билан “Ал-Хазем”га қарши баҳсда бошланади. Тарихга назар ташлайдиган бўлсак, "Ал-Аҳли" мамлакатнинг тўртта энг яхши жамоасидан бири, аммо ўтган мавсумни сенсацион тарзда иккинчи дивизионда ўтказди. Ёзда клуб “Челси”дан Эдуар Менди ва “Ливерпуль”дан Роберто Фирминони харид қилди.
"Реал"нинг собиқ ҳужумчиси Карим Бензема ва "Челси"дан Нголо Кантени олиб келган амалдаги мамлакат чемпиони "Ал-Иттиҳод" "Ар-Раед"га қарши ўйин билан чемпионатни бошлайди.
“Ан-Наср” сафарда Стивен Жеррард бошқарувидаги “Ал-Аттифак”ни синовдан ўтказади. Роналду жамоаси трансфер тақиқи хавфи остида, бироқ улар аллақачон Марсело Брозович ва янги мураббийни олиб келишга муваффақ бўлишди.
Бир вақтнинг ўзида учта юлдузни олиб келган “Ал-Ҳилол” клуби – Калиду Кулибали (“Челси”), Рубен Невес (“Вулверхемптон”) ва Сергей Милинкович-Савич (“Лацио”) камтарона “Абҳа”га қарши меҳмондаги ўйин билан старт олади.
Агар сиз ҳали Саудия футболига кирмаган бўлсангиз, томоша қилишингиз керак бўлган бошқа муҳим ўйинлар. Саналар тахминий.
Жидда Дербиси: "Ал-Аҳли" ва "Ал-Иттиҳод" 5-7 октябрь ва 11-13 апрель.
Саудия "Эл-Класикоси": "Ал-Ҳилол" ва "Ал-Иттиҳод". 1 сентябрь ва 7-9 апрель.
Роналду ва Бензема жанги: "Ан-Наср" ва "Ал-Иттиҳод". 14-16 декабрь ва 27 май.
