Sky Sports Italia xabariga ko‘ra, "Inter" "Arsenal" hujumchisi Folarin Balogunga qiziqish bildirmoqda.

Oldinroq “neradzurrilar” “Yuventus” bilan muzokaralarni boshlagani uchun “Chelsi” hujumchisi Romelu Lukaku uchun kurashishdan bosh tortgani haqida xabar berilgandi.

Manbaga ko‘ra, belgiyalik rad javobidan so‘ng "Inter" "Arsenal"ning 22 yoshli hujumchisiga o‘tgan.

O‘tgan mavsumda Balogun "Reyms"da ijara asosida o‘ynadi. U fransuz klubi safida 39 ta o‘yinda maydonga tushib, 22 ta gol urgan va 3 ta golga assistentlik qilgan. Transfermarkt portali amerikalik futbolchining narxini 30 million yevroga baholamoqda.