Sky Sports Italia хабарига кўра, "Интер" "Арсенал" ҳужумчиси Фоларин Балогунга қизиқиш билдирмоқда.
Олдинроқ “нерадзуррилар” “Ювентус” билан музокараларни бошлагани учун “Челси” ҳужумчиси Ромелу Лукаку учун курашишдан бош тортгани ҳақида хабар берилганди.
Манбага кўра, бельгиялик рад жавобидан сўнг "Интер" "Арсенал"нинг 22 ёшли ҳужумчисига ўтган.
Ўтган мавсумда Балогун "Реймс"да ижара асосида ўйнади. У француз клуби сафида 39 та ўйинда майдонга тушиб, 22 та гол урган ва 3 та голга ассистентлик қилган. Transfermarkt портали америкалик футболчининг нархини 30 миллион еврога баҳоламоқда.
