"Bavariya" bosh murabbiyi Tomas Tuxel vinger Sadio Manening holati haqida fikr bildirdi. Mish-mishlarga ko‘ra, 31 yoshli futbolchi yozgi transfer oynasida klubini o‘zgartirishi mumkin.

“Mane umidlarni oqlamadi. Raqobat juda yuqori, uning asosiy tarkibda maydonga tushishi oson bo‘lmaydi. Sadio buni biladi. U mening va klubning fikrini biladi”, - dedi Tuxel.

O‘tgan mavsum davomida Sadio Mane “Bavariya”da 38 ta o‘yin o‘tkazib, 12 ta gol urdi va 6 ta golli uzatmani amalga oshirdi. Transfermarkt portali senegallik futbolchini 25 million yevroga baholamoqda.