"Бавария" бош мураббийи Томас Тухель вингер Садио Маненинг ҳолати ҳақида фикр билдирди. Миш-мишларга кўра, 31 ёшли футболчи ёзги трансфер ойнасида клубини ўзгартириши мумкин.
“Мане умидларни оқламади. Рақобат жуда юқори, унинг асосий таркибда майдонга тушиши осон бўлмайди. Садио буни билади. У менинг ва клубнинг фикрини билади”, - деди Тухель.
Ўтган мавсум давомида Садио Мане “Бавария”да 38 та ўйин ўтказиб, 12 та гол урди ва 6 та голли узатмани амалга оширди. Transfermarkt портали сенегаллик футболчини 25 миллион еврога баҳоламоқда.
