“Jirona” yarim himoyachisi Oriol Romeu faoliyatini “Barselona”da davom ettiradi. Bu haqda Mundo Deportivo xabar bermoqda.

Manbaga ko‘ra, Kataloniya klubi 31 yoshli ispaniyalikning transferi bo‘yicha kelishib olgan va uning uchun Romeuning "Jirona" bilan shartnomasida tovon puli sifatida ko‘rsatilgan 4,5 million yevro to‘lashga tayyor.

Eslatib o‘tamiz, Romeu "Barselona" tarbiyalanuvchisi hisoblanadi.

O‘tgan mavsumda u 33 ta o‘yin o‘tkazib, 2 ta gol urgan. Transfermarkt portali futbolchini 5 million yevroga baholamoqda.