Niderlandiyaning PSV klubi o‘zining rasmiy sayti sahifalarida yarim himoyachi Xavi Simons yig‘inni tark etganini e’lon qildi. 20 yoshli futbolchi yozgi transferini "PSJ"ga yakunlash uchun ketadi.
Oldinroq "PSJ" Xavi Simonsni atigi 6 million yevro to‘lab, qaytarib sotib olish imkoniyatidan foydalanishi xabar qilingandi. Niderlandiya klubida mavsum davomida yarim himoyachi 48 ta o‘yinda maydonga tushib, 22 ta gol urdi va 12 ta golga assistentlik qildi.
Eslatib o‘tamiz, nufuzli Transfermarkt portali ekspertlari Xavi Simonsni 40 million yevroga baholamoqda.