Нидерландиянинг ПСВ клуби ўзининг расмий сайти саҳифаларида ярим ҳимоячи Хави Симонс йиғинни тарк этганини эълон қилди. 20 ёшли футболчи ёзги трансферини "ПСЖ"га якунлаш учун кетади.
Олдинроқ "ПСЖ" Хави Симонсни атиги 6 миллион евро тўлаб, қайтариб сотиб олиш имкониятидан фойдаланиши хабар қилинганди. Нидерландия клубида мавсум давомида ярим ҳимоячи 48 та ўйинда майдонга тушиб, 22 та гол урди ва 12 та голга ассистентлик қилди.
Эслатиб ўтамиз, нуфузли Transfermarkt портали экспертлари Хави Симонсни 40 миллион еврога баҳоламоқда.