"Aston Villa" "Renn" va Belgiya terma jamoasi vingeri Jeremi Dokuni zaxira variant sifatida ko‘rib chiqmoqda.

Insayder Fabrisio Romanoning so‘zlariga ko‘ra, agar "Bayer"dagi Diabi bilan kelishuv amalga oshmasa, ingliz klubi 21 yoshli futbolchini o‘z ro‘yxatiga kiritadi.

"Bayer" 35 million yevro va qo‘shimcha xarajatlar taklifini rad etdi. Premyer-liga klubi albatta yana bir taklif bilan chiqadi.

Doku 2022/23-yilda “Renn” safida 35 ta o‘yinda maydonga tushib, 7 ta gol urdi va 4 ta golli uzatmani amalga oshirdi. Shartnoma 2025 yilning yoziga qadar mo‘ljallangan. Transfermarkt portali futbolchining narxini 28 million yevroga baholamoqda.