Yarim himoyachi Jud Bellingem "Real Madrid" futbolchisi sifatidagi ilk haftalardagi taassurotlari bilan o‘rtoqlashdi.
20 yoshli futbolchi “qaymoqranglilar” safiga iyul oyi boshida Dortmundning “Borussiya”sidan ko‘chib o‘tgandi.
"Mening yangi muhitga moslashishim? Hammasi ajoyib ketmoqda. "Real"da yaxshi odamlar bor, men ularning safida vaqt o‘tkazishni yaxshi ko‘raman.
Futboldagi juda ko‘p yutuqlariga qaramay, hamma juda kamtar va do‘stona", - dedi Bellingem.
Eslatib o‘tamiz, angliyalik yarim himoyachi "Real"ga bonus to‘lovlarini hisobga olmaganda 103 million yevroga tushgan edi.
