“Chelsi” hujumchisi Romelu Lukaku Saudiya klubiga yana bir bor rad javobini berdi.
Kuni kecha belgiyalik futbolchining "Yuventus"ga o‘tishga tayyorligi ma’lum bo‘ldi, turinliklar "Chelsi"ga 40 million yevro taklif qilmoqchi. La Gazette Dello Sport xabariga ko‘ra, “Al-Hilol” Lukaku uchun 50 million yevro to‘lashga rozi bo‘lgan, biroq hujumchining o‘zi bu kelishuvdan bosh tortgan – u Yevropada qolishga qaror qilgan va “Yuventus”ga o‘tishni afzal ko‘rmoqda.
Eslatib o‘tamiz, 30 yoshli futbolchi o‘tgan mavsumda sharafini himoya qilgan "Inter" belgiyalik uchun kurashdan chiqqan.
Ba’zi ma’lumotlarga ko‘ra, "Yuventus" allaqachon futbolchi bilan shartnoma bo‘yicha kelishib olgan, biroq ular Dushan Vlaxovich sotilgandan keyingina "Chelsi"ga rasmiy taklif bilan chiqadi.
