“Челси” ҳужумчиси Ромелу Лукаку Саудия клубига яна бир бор рад жавобини берди.

Куни кеча бельгиялик футболчининг "Ювентус"га ўтишга тайёрлиги маълум бўлди, туринликлар "Челси"га 40 миллион евро таклиф қилмоқчи. La Gazette Dello Sport хабарига кўра, “Ал-Ҳилол” Лукаку учун 50 миллион евро тўлашга рози бўлган, бироқ ҳужумчининг ўзи бу келишувдан бош тортган – у Европада қолишга қарор қилган ва “Ювентус”га ўтишни афзал кўрмоқда.

Эслатиб ўтамиз, 30 ёшли футболчи ўтган мавсумда шарафини ҳимоя қилган "Интер" бельгиялик учун курашдан чиққан.

Баъзи маълумотларга кўра, "Ювентус" аллақачон футболчи билан шартнома бўйича келишиб олган, бироқ улар Душан Влахович сотилгандан кейингина "Челси"га расмий таклиф билан чиқади.