"Bavariya" Konrad Laymer va Rafael Gerreyruni rasman tanishtirdi.
Laymer "Leypsig"dan Myunxen klubiga tekinga o‘tdi va 2027 yilgacha shartnoma imzoladi. 26 yoshli yarim himoyachi “Bavariya” safida 24-raqamda harakat qiladi.
Rafael Gerreyru Dortmundning "Borussiya"si bilan shartnomasi yakunlanganidan keyin "Bavariya"ga o‘tdi. Portugaliyalik va myunxenliklar o‘rtasidagi kelishuv 2026 yilgacha mo‘ljallangan. Himoyachi klubda 22-raqam ostida o‘ynaydi.
Dushanba kuni "Bavariya"ga yangi kelgan futbolchilar matbuot anjumani o‘tkazishdi, unda klub bosh direktori Yan-Kristian Drezen ham ishtirok etdi.