"Бавария" Конрад Лаймер ва Рафаэль Геррейруни расман таништирди.
Лаймер "Лейпциг"дан Мюнхен клубига текинга ўтди ва 2027 йилгача шартнома имзолади. 26 ёшли ярим ҳимоячи “Бавария” сафида 24-рақамда ҳаракат қилади.
Рафаэль Геррейру Дортмунднинг "Боруссия"си билан шартномаси якунланганидан кейин "Бавария"га ўтди. Португалиялик ва мюнхенликлар ўртасидаги келишув 2026 йилгача мўлжалланган. Ҳимоячи клубда 22-рақам остида ўйнайди.
Душанба куни "Бавария"га янги келган футболчилар матбуот анжумани ўтказишди, унда клуб бош директори Ян-Кристиан Дрезен ҳам иштирок этди.