Londonning "Chelsi" klubi yaqin kunlarda Uesli Fofananing jarohati tufayli yangi markaziy himoyachi qidirib transfer bozorini o‘rganib chiqadi, deb yomoqda insayder jurnalist Fabrisio Romano.

Manbaga ko‘ra, “aristokratlar” ehtimoliy himoyachi qidirishda transfer bozorida jiddiy ish olib borishni rejalashtirgan, biroq mos futbolchi topilsagina, bu yo‘nalishda yangi transfer masalasini ko‘rib chiqishadi, aks holda ular hozir mavjud bo‘lgan himoyachilar bilan qolishni afzal ko‘rishadi.

Eslatib o‘tamiz, avvalroq "Chelsi" himoyachisi Uesli Fofana "aristokratlar" bilan AQSH bo‘ylab mavsumoldi turne safariga bormagan edi. Fransiyalik himoyachi tizzasidan olgan jarohati tufayli jamoasi tarkibiga kiritilmadi. Fofana o‘tgan yilning avgust oyida "Lester"dan "Chelsi"ga o‘tgan edi. 2022/2023 yilgi mavsumda himoyachi “aristokratlar” safida barcha turnirlarda 20 ta o‘yin o‘tkazib, ikkita gol urgan.