Лондоннинг "Челси" клуби яқин кунларда Уэсли Фофананинг жароҳати туфайли янги марказий ҳимоячи қидириб трансфер бозорини ўрганиб чиқади, деб ёмоқда инсайдер журналист Фабрицио Романо.
Манбага кўра, “аристократлар” эҳтимолий ҳимоячи қидиришда трансфер бозорида жиддий иш олиб боришни режалаштирган, бироқ мос футболчи топилсагина, бу йўналишда янги трансфер масаласини кўриб чиқишади, акс ҳолда улар ҳозир мавжуд бўлган ҳимоячилар билан қолишни афзал кўришади.
Эслатиб ўтамиз, аввалроқ "Челси" ҳимоячиси Уэсли Фофана "аристократлар" билан АҚШ бўйлаб мавсумолди турне сафарига бормаган эди. Франциялик ҳимоячи тиззасидан олган жароҳати туфайли жамоаси таркибига киритилмади. Фофана ўтган йилнинг август ойида "Лестер"дан "Челси"га ўтган эди. 2022/2023 йилги мавсумда ҳимоячи “аристократлар” сафида барча турнирларда 20 та ўйин ўтказиб, иккита гол урган.
