Saudiyaning "Al-Hilol" klubi Yevropa futboli yulduzlari bilan shartnoma imzolash imkoniyatlarini o‘rganishda davom etmoqda.
Record nashri xabariga ko‘ra, "ko‘k to‘lqinlar" "Liverpul "futbolchisi Luis Diasni o‘z safiga taklif qilmoqchi.
Qayd etilishicha, kolumbiyalik vingerning transferiga "Al-Hilol" ustozi Jorje Jezus shaxsan qiziqmoqda. Klub taxminan 50 million yevro taklif qilishga tayyor, biroq “Liverpul” bosh murabbiyi Yurgen Kloppning Diasga bo‘lgan ishonchi tufayli bu transferning amalga oshish imkoniyati kam. Kolumbiyalik futbolchiga Saudiya Arabistonining ismi oshkor etilmagan boshqa bir klubi ham qiziqish bildirmoqda.
Eslatib o‘tamiz, Luis Dias o‘tgan yilning yanvar oyida "Liverpul"ga kelib qo‘shilgandi. Oldinroq “Al-Hilol” Kalidu Kulibali, Ruben Nevesh va Sergey Milinkovich-Savichning transferlarini e’lon qilgandi.
