Саудиянинг "Ал-Ҳилол" клуби Европа футболи юлдузлари билан шартнома имзолаш имкониятларини ўрганишда давом этмоқда.
Record нашри хабарига кўра, "кўк тўлқинлар" "Ливерпуль "футболчиси Луис Диасни ўз сафига таклиф қилмоқчи.
Қайд этилишича, колумбиялик вингернинг трансферига "Ал-Ҳилол" устози Жорже Жезус шахсан қизиқмоқда. Клуб тахминан 50 миллион евро таклиф қилишга тайёр, бироқ “Ливерпуль” бош мураббийи Юрген Клоппнинг Диасга бўлган ишончи туфайли бу трансфернинг амалга ошиш имконияти кам. Колумбиялик футболчига Саудия Арабистонининг исми ошкор этилмаган бошқа бир клуби ҳам қизиқиш билдирмоқда.
Эслатиб ўтамиз, Луис Диас ўтган йилнинг январь ойида "Ливерпул"га келиб қўшилганди. Олдинроқ “Ал-Ҳилол” Калиду Кулибали, Рубен Невеш ва Сергей Милинкович-Савичнинг трансферларини эълон қилганди.
