Malkom Saudiya Arabistoni klubiga o‘tishga yaqin turibdi. “Al-Hilol” braziliyalik futbolchining transferi borasida “Zenit” bilan kelishuvga erishdi, deya xabar beradi Ariyadhiah.

Qayd etilishicha, Saudiya Arabistoni jamoasi “alohida taklif” bilan chiqqan va Rossiya klubidan rozilik olgan.

Shu haftada Malkom shartnoma imzolashdan oldin tibbiy ko‘rikdan o‘tadi. "Zenit" Malkom uchun "Al-Hilol"dan 50 million yevro so‘ragani xabar qilingandi.

O‘tgan mavsumda braziliyalik futbolchi “Zenit” safida 33 ta o‘yinda maydonga tushib, 26 ta gol urdi va 7 ta golli uzatmani amalga oshirdi.