Madridning “Atletiko” klubi hujumchisi Joau Feliks “Barselona”ga o‘tish orzusiga yetishi mumkin. Eslatib o‘tamiz, yaqinda portugaliyalik intervyu berib, unda "ko‘k-anorranglilar" safida o‘ynash orzusi haqida gapirgan edi.
Jurnalist Manu Saynsning yozishicha, "Barselona" rahbariyati Feliksning transferini moliyaviy tomondan ko‘tara olishiga ishonmoqda. Kataloniyaliklar "Atletiko" Joauni yana ijaraga berishga rozi bo‘lishiga umid qilmoqda.
Eslatib o‘tamiz, Feliks o‘tgan mavsumning ikkinchi yarmini Londonning "Chelsi" jamoasida o‘tkazgan va u yerda Angliya Premyer-ligasida uchta gol urgan edi. “Ko‘klar” “Atletiko” 100 million yevrodan ortiq baholagan futbolchini sotib olmaslikka qaror qildi.
