“Inter” darvozaboni Andre Onana “Manchester Yunayted” bilan Chempionlar ligasida g‘olib chiqishga umid qilayotganini aytdi.
"Inter" Chempionlar ligasida g‘alaba qozonishga yaqin edi, biz bunga loyiq edik. Endi men "Yunayted" bilan Chempionlar ligasida g‘alaba qozonishga umid qilaman, lekin "Inter"ga ham bu turnirda omad tilayman. Barcha muxlislar bunga loyiq. Va, albatta, men yangi jamoadoshlarim bilan ko‘plab sovrinlarni qo‘lga kiritishga umid qilaman", - dedi Onana.
"Manchester Yunayted" hali 27 yoshli darvozabonning transferi haqida e’lon qilgani yo‘q. Xabar qilinishicha, kamerunlik bugun tibbiy ko‘rikdan o‘tadi. Ingliz tomoni Onana bilan shaxsiy shartlarni kelishib olgan.
