“Интер” дарвозабони Андре Онана “Манчестер Юнайтед” билан Чемпионлар лигасида ғолиб чиқишга умид қилаётганини айтди.
"Интер" Чемпионлар лигасида ғалаба қозонишга яқин эди, биз бунга лойиқ эдик. Энди мен "Юнайтед" билан Чемпионлар лигасида ғалаба қозонишга умид қиламан, лекин "Интер"га ҳам бу турнирда омад тилайман. Барча мухлислар бунга лойиқ. Ва, албатта, мен янги жамоадошларим билан кўплаб совринларни қўлга киритишга умид қиламан", - деди Онана.
"Манчестер Юнайтед" ҳали 27 ёшли дарвозабоннинг трансфери ҳақида эълон қилгани йўқ. Хабар қилинишича, камерунлик бугун тиббий кўрикдан ўтади. Инглиз томони Онана билан шахсий шартларни келишиб олган.
