"Leypsig"ning yangi futbolchisi, yarim himoyachi Xavi Simons nemis klubiga o‘tishi haqida fikr bildirdi.
20 yoshli gollandiyalik futbolchi 2023/24 yilgi mavsum oxirigacha ijaraga olingan.
"Bundesliga Yevropaning eng yaxshi ligalaridan biri, "Leypsig" esa Bundesliganing eng yaxshi jamoalaridan biri".
"Leypsig"ga o‘tish men uchun to‘g‘ri qadam bo‘ldi, chunki klub doimiy ravishda yosh futbolchilarni qanday qilib tarbiyalash va ular bilan muvaffaqiyatga erishishni ko‘rsatib turibdi.
Men Chempionlar ligasida muntazam o‘ynaydigan klubga o‘tyapman. Ro‘yxatda yosh va tajribali o‘yinchilar to‘plangan.
“Leypsig”ning o‘yin uslubi menga yoqadi. Ishonamanki, mening xislatlarim bu jamoaga mos keladi va biz birgalikda ko‘p narsaga erisha olamiz. Yangi jamoadoshlarim bilan o‘ynashni va yangi mavsumni boshlashni intiqlik bilan kutyapman", – dedi futbolchi.
