"Лейпциг"нинг янги футболчиси, ярим ҳимоячи Хави Симонс немис клубига ўтиши ҳақида фикр билдирди.
20 ёшли голландиялик футболчи 2023/24 йилги мавсум охиригача ижарага олинган.
"Бундеслига Европанинг энг яхши лигаларидан бири, "Лейпциг" эса Бундеслиганинг энг яхши жамоаларидан бири".
"Лейпциг"га ўтиш мен учун тўғри қадам бўлди, чунки клуб доимий равишда ёш футболчиларни қандай қилиб тарбиялаш ва улар билан муваффақиятга эришишни кўрсатиб турибди.
Мен Чемпионлар лигасида мунтазам ўйнайдиган клубга ўтяпман. Рўйхатда ёш ва тажрибали ўйинчилар тўпланган.
“Лейпциг”нинг ўйин услуби менга ёқади. Ишонаманки, менинг хислатларим бу жамоага мос келади ва биз биргаликда кўп нарсага эриша оламиз. Янги жамоадошларим билан ўйнашни ва янги мавсумни бошлашни интиқлик билан кутяпман", – деди футболчи.
