Turinning "Yuventus" klubi yarim himoyachisi Artur Melo "Fiorentina"ga o‘tishga rozi bo‘ldi. Jurnalist Nikolo Skiraning xabariga ko‘ra, tomonlar transfer tez orada amalga oshishini kutishmoqda.
Avvalroq, Artur "Fiorentina"ga o‘tishidan oldin "Yuventus"da maoshi oshishi, ammo uning shartnomasi muddati o‘zgarmasligi haqida xabar berilgandi.
O‘tgan mavsumda Artur Angliyaning "Liverpul" tarkibida ijarada o‘ynadi, ammo Yurgen Klopp jamoasida kerakli darajada o‘yin amaliyotiga ega bo‘lmadi. Buning sabablaridan biri ko‘plab jarohatlar va yomon jismoniy holati edi.
