Туриннинг "Ювентус" клуби ярим ҳимоячиси Артур Мело "Фиорентина"га ўтишга рози бўлди. Журналист Николо Скиранинг хабарига кўра, томонлар трансфер тез орада амалга ошишини кутишмоқда.
Аввалроқ, Артур "Фиорентина"га ўтишидан олдин "Ювентус"да маоши ошиши, аммо унинг шартномаси муддати ўзгармаслиги ҳақида хабар берилганди.
Ўтган мавсумда Артур Англиянинг "Ливерпуль" таркибида ижарада ўйнади, аммо Юрген Клопп жамоасида керакли даражада ўйин амалиётига эга бўлмади. Бунинг сабабларидан бири кўплаб жароҳатлар ва ёмон жисмоний ҳолати эди.