Amsterdamning "Ayaks" klubi hujumchisi Brayan Brobbi faoliyatini Angliya Premyer-ligasida davom ettirish imkoniyatiga ega. Sky Sports nashri xabariga ko‘ra, "Everton" 21 yoshli futbolchini o‘z safiga qo‘shib olmoqchi.
Mersisaydliklar amsterdamliklar bilan muzokara jarayoniga kirishdi, biroq masala hali rasmiy taklifga kelgani yo‘q. Hujumchi Amsterdam klubi bilan 2027 yilning o‘rtalarigacha shartnoma imzolagan.
Brobbi o‘tgan mavsumda "Ayaks" safida barcha turnirlar doirasida 45 ta o‘yinda maydonga tushib, 14 ta gol va 4 ta golli uzatmaga mualliflik qilgan. Transfermarkt portali Brobbini 12 million yevroga baholangan.
