Turinning "Yuventus" klubi "Barselona" yarim himoyachisi Frenk Kessyeni qo‘lga kiritish yo‘lini topdi.
Calciomercato nashri xabariga ko‘ra, "keksa sinyora" ivuarlik futbolchi evaziga o‘z hujumchisi Federiko Kyezani taklif qilishga tayyor.
Manbaning xabar berishicha, "Yuventus" rahbariyati hali yangi shartnoma imzolashni xohlamayotgan Kyeza bilan xayrlashishga qarshi emas. "Barselona" bunday transferga jiddiy qiziqish bildirishi mumkin, chunki italiyalik futbolchi hujumda o‘zgaruvchanlikni qo‘shishi mumkin.
Eslatib o‘tamiz, Kessye avvalroq "Atalanta" va "Milan" klublari sharafini himoya qilgan A Seriyaga qaytishga tayyor.