Туриннинг "Ювентус" клуби "Барселона" ярим ҳимоячиси Френк Кессьени қўлга киритиш йўлини топди.
Calciomercato нашри хабарига кўра, "кекса синьора" ивуарлик футболчи эвазига ўз ҳужумчиси Федерико Кьезани таклиф қилишга тайёр.
Манбанинг хабар беришича, "Ювентус" раҳбарияти ҳали янги шартнома имзолашни хоҳламаётган Кьеза билан хайрлашишга қарши эмас. "Барселона" бундай трансферга жиддий қизиқиш билдириши мумкин, чунки италиялик футболчи ҳужумда ўзгарувчанликни қўшиши мумкин.
Эслатиб ўтамиз, Кессье аввалроқ "Аталанта" ва "Милан" клублари шарафини ҳимоя қилган А Серияга қайтишга тайёр.