Klublar transfer bozorida shov-shuvni davom ettirmoqda! Har kuni katta bitimlar tuzilmoqda. Bugun, 20 iyul kuni amalga oshirilgan transferlar va eng muhim yangiliklarni eslatib o‘tamiz.
"Manchester Yunayted" Onana bilan shartnoma imzolaganini e’lon qildi
"Manchester Yunayted" "Inter"dan kamerunlik darvozabon Andre Onana bilan shartnoma imzolaganini tasdiqladi. Klub 12 yil davomida "Manchester Yunayted" darvozasini himoya qilgan David de Xea o‘rniga futbolchi tanlashga qaror qildi. Onana "Yunayted" bilan 5 yillik shartnoma imzoladi. Avval xabar qilinganidek, transfer summasi 55 million yevroni tashkil qilgandi. Qizig‘i, bu Erik ten Xag avval birga ishlagan yana bir futbolchi. Murabbiy Premyer-liga oltini uchun kurashga o‘zini isbotlagan jangchilarni jalb qilmoqda.
"Aston Villa" Bundesligadan qanot himoyachisini sotib oladi. Hammasi Chempionlar ligasi uchun kurashish uchunmi?
“Aston Villa” bozorda ishlashda davom etmoqda. Yangi sport direktori Ramon Monchi hayratda qoldirdi. U allaqachon Yuri Tilemans va Pau Torresni Birmingemga olib keldi. Endi Villa yangi yulduz bilan shartnoma imzolamoqda. Fabrisio Romanoning so‘zlariga ko‘ra, Leverkuzenning "Bayer" klubi vingeri Mussa Diabi ingliz klubiga o‘tishni tanlagan. Garchi unga "An-Nasr" tomonidan mustahkam shartnoma taklif qilingan bo‘lsa-da. "Aston Villa" Diabi transferi uchun “Bayer”ga 50 million yevro to‘laydi
"Manchester Siti" Gvardiol uchun 100 million yevro to‘laydi
“RB Leypsig” himoyachisi Yoshko Gvardiol “Siti”ga yaqin. Fabrisio Romanoning so‘zlariga ko‘ra, klublar transfer summasi bo‘yicha kelishib olgan. Bu 100 million yevroni tashkil qiladi.“Shaharliklar” va Gvardiol o‘rtasidagi shartnoma shartlari bir oy oldin kelishilgan. Xorvatiyalik allaqachon tibbiy ko‘rikdan o‘tgan. Tez orada rasmiy tasdiq keladi.
"Nyukasl" "Lester"ning yulduzlaridan biriga ega chiqdi
"Nyukasl" va "Lester" angliyalik vinger Xarvi Barns transferi bo‘yicha kelishuvga erishdi, deb xabar beradi The Athletic Transfer narxi 44 mln yevro atrofida bo‘ladi. 25 yoshli futbolchi “Lester” tarbiyalanuvchisi hisoblanadi. U 2006 yildan beri klub tizimida. Agar chempionshipga tushib qolmaganida, Barns, ehtimol, o‘z klubini tark etmagan bo‘lardi.
Joau Feliks hali ham orzular klubiga o‘tishi mumkin
Jurnalist Mark Martines xabariga ko‘ra, "Barselona" Madridning "Atletiko" klubi bilan hujumchini ijaraga olish bo‘yicha kelishuvga erishgan. Qayd etilishicha, ijara kataloniyaliklarga 10 million yevroga tushadi va klub uning maoshining 70 foizini ham to‘laydi. Oradan bir yil o‘tib "Barsa" Feliksni 50 million yevroga sotib olishga majbur bo‘ladi. Avvalroq portugaliyalik futbolchi "Barselona" uning orzusidagi klubi ekanligini va bu klubda o‘ynashni istayotganini aytgandi. “Atletiko”da Feliks bosh murabbiy Diyego Simeone bilan janjallashib qolgan, shuning uchun u hatto “Chelsi”ga ijaraga berilgandi.
"Barselona"ning yana bir sobiq futbolchisi Messi va Busketsga qo‘shildi
MLS "Barsa"ning ajoyib tarkibini qayta tiklaydimi? “Inter Mayami” Jordi Alba bilan shartnoma imzolaganini e’lon qildi. 34 yoshli ispaniyalik futbolchi "Barselona" bilan shartnomasini bekor qildi, u erkin agent maqomida edi. "Inter Mayami" bilan futbolchi ikki yillik shartnoma imzoladi. Alba "Barsa"da Messi va Buskets bilan birga o‘ynagan . “Inter Mayami” Andres Inesta bilan shartnoma imzolashi haqida ham ma’lumotlar bor edi.
