“Liverpul” bosh murabbiyi Yurgen Klopp Germaniyaning “Karlsrue” klubiga qarshi o‘tkazilgan sinov o‘yinidan so‘ng jurnalistlar bilan fikrlashdi. Mersisaydliklar 4:2 hisobida g‘alaba qozonishdi.

“Bunday o‘rtoqlik uchrashuvlari o‘yin darajamizdan quvonish uchun yaratilmagan. Kuchli sport formasiga kirish uchun qattiq mashq qilamiz.

Jamoa mukammal futbol ko‘rsatishini kutmagandim. Bu oson bo‘lmasligini bilardim. Lekin bu o‘yindagi natijalardan qoniqish hosil qilishimiz mumkin”, - dedi nemis mutaxassisi o‘yindan so‘ng.

“Liverpul”ning navbatdagi o‘rtoqlik o‘yini Germaniyaning “Grouter” jamoasiga qarshi bo‘ladi. Bahs 24 iyul, dushanba kuni bo‘lib o‘tadi.