“Xo‘jand” – “Andijon” (1:0) o‘rtasidagi o‘rtoqlik uchrashuvidan keyin mezbonlar bosh murabbiyi Farruh Marofiyev “Andijon” matbuot xizmatiga uchrashuv borasidagi fikrlari bilan o‘rtoqlashdi.

“Hammasi yaxshi bo‘ldi. Rejalashtirgan ishlarimizni barchasi amalga oshdi, deya olaman. Kamchiliklarimizni bartaraf qilish va o‘yinimizni yanada yaxshi yo‘lga qo‘yish uchun vaqtimiz hali yetarli, deb o‘ylayman. Bu vaqt davomida o‘zimizni yanada moslashtirib olamiz.

Ko‘rdik, “Andijon” yaxshi jamoa ekan. Umumiy ma’noda aytganda, “Andijon” menda yaxshi taassurot qoldirdi. Tartibli o‘yin namoyish qilgani menga ma’qul keldi”, - deydi Farruh Rustamovich.