Superliganing ikkinchi davrasida munosib ishtirok etishni maqsad qilgan «Buxoro» davralar oralig‘ida tarkibni kuchaytirishda davom etadi.

Frani Ikich. 1994 yil Xorvatiyada tug‘ilgan. Ampluasi — markaziy himoyachi, bo‘yi 194 sm. Faoliyati davomida «Zadar» (Xorvatiya), «Koper» (Sloveniya), «Sibalia» (Xorvatiya), «Fuzinar» (Sloveniya), «Zeljeznisar» (Bosniya), «Girmot» (Vengriya), «Valez»(Bosniya) kabi jamoalarda to‘p tepgan.

Luka Kukich. 1996 yil Bosniya va Gersogovina davlatida tug‘ilgan. Ampluasi — darvozabon. Futbolchilik faoliyatida Xorvatiya, Bosniya va Polsha jamoalari sharafini himoya qilgan.

Muhammadjon Rahimov. 1998 yil Tojikiston davlatida tug‘ilgan. Har ikkala qanotda harakatlana oladi. Faoliyati davomida «Hosilot», «Istiqlol», «Ordabasi», «Nasaf» kabi jamolar sharafini himoya qilgan. Tojikiston milliy terma jamoasi safida 45 ta uchrashuvda maydonga tushgan.

Diyor Ortiqboyev. 2003 yilda tug‘ilgan. “Paxtakor" akademiyasi tarbiyalanuvchisi, U-20 Osiyo chempioni. Markaziy himoya va tayanch yarim himoyada birdek harakatlana oladi. Diyor ijara asosida jamoamizda harakatlanadi.

Asilbek Qayumov. 2002 yilda tug‘ilgan. Markaziy hujumchi. "Turon" va "Metallurg" jamolarida to‘p tepgan.

Mahmud Jo‘raboyev. 2004 yilda tug‘ilgan. Xujumchi. «Nasaf» akademiyasi tarbiyalanuvchisi. O‘zbekiston U-23 a’zosi. Jo‘raboyev mavsum oxiriga qadar ijara asosida "Buxoro" tarkibida maydonga tushadi.