Ma’lumki, "Andijon" ikkinchi davraga tayyorgarlikni 9 iyuldan Tojikiston Respublikasi, So‘g‘d viloyatining Guliston shahridagi Bahoriston sport kompleksida boshlagandi. 20 iyul kuni “Xo‘jand” jamoasiga qarshi nazorat uchrashuvidan so‘ng “Andijon”ning Tojikistondagi yozgi yig‘ini nihoyasiga yetdi.
Eslatib o‘tamiz, jamoa u yerda uchta nazorat o‘yinida maydonga tushdi.
Dastlab 12 iyul kuni “Esxata” 3:2 hisobida mag‘lub etildi. 16 iyulda esa “Ravshan” klubiga qarshi bahsda 1:1 natijasi kuzatildi va 20 iyul sanasida “Xo‘jand” bilan bellashdi.
Endi "burgutlar" a’zolari 23 iyul kuni o‘z qarorgohida to‘planadi va Superliganing 14-tur doirasida 28 iyul kuni bo‘lib o‘tadigan “Nasaf”ga qarshi uchrashuvga tayyorgarlikni davom ettiradi.
