Маълумки, "Андижон" иккинчи даврага тайёргарликни 9 июлдан Тожикистон Республикаси, Сўғд вилоятининг Гулистон шаҳридаги Баҳористон спорт комплексида бошлаганди. 20 июль куни “Хўжанд” жамоасига қарши назорат учрашувидан сўнг “Андижон”нинг Тожикистондаги ёзги йиғини ниҳоясига етди.
Эслатиб ўтамиз, жамоа у ерда учта назорат ўйинида майдонга тушди.
Дастлаб 12 июль куни “Эсхата” 3:2 ҳисобида мағлуб этилди. 16 июлда эса “Равшан” клубига қарши баҳсда 1:1 натижаси кузатилди ва 20 июль санасида “Хўжанд” билан беллашди.
Энди "бургутлар" аъзолари 23 июль куни ўз қароргоҳида тўпланади ва Суперлиганинг 14-тур доирасида 28 июль куни бўлиб ўтадиган “Насаф”га қарши учрашувга тайёргарликни давом эттиради.
