Angliyaning London shahrida 22 iyul tunida UFC Fight Night 224 musobaqasi o‘tkaziladi.

Mazkur musobaqada o‘zbekistonlik MMA jangchisi Mahmud Murodov ham ishtirok etadi. 21 iyul kuni turnir ishtirokchilar tarozidan o‘tdi.

O‘rta vazn (-84 kg) toifasida harakat qiladigan Murodov 84,4 kg vazn qayd etdi. Qoidalarga ko‘ra, titul uchun kechmaydigan bellashuvlarda jangchilarga divizion vazn me’yoridan 1 funt (0,45 kg) ortiqcha vazn qayd etishga ruxsat beriladi. Shu tariqa Murodov vazn me’yorni bajargan hisoblanadi. Uning raqibi Brayan Barberena esa 83,9 kg qayd etgan.

Asosiy jang og‘ir vazn toifasi vakillari Tom Aspinall va Marchin Tibura o‘rtasida kechadi.

Quyida Asosiy kard vakillarining vazn o‘lchash marosimidagi natijalari bilan tanishing:

Tom Aspinall (117 kg) – Marchin Tibura (111,6 kg)
Molli Makkenn (56,7 kg) – Yuliya Stolyarenko (56,7 kg)
Nataniel Vud (66,2 kg) – Andre Fili (65,8 kg)
Andre Munis (83,9 kg) – Pol Kreyg (84,4 kg)
Jey Herbert (70,3 kg) – Fares Ziam (70,3 kg)
Leron Myorfi (66,2 kg) – Josh Kulibao (66,2 kg).

UFC Fight Night 224 turniri O‘zbekiston vaqti bilan 22 iyul, shanba kuni 21:00 da boshlanadi. Murodov musobaqaning prelim kardida ishtirok etadi. Uning ishtirokidagi jang 22:00 dan keyin o‘tkaziladi.